المشهد التالت

بسرعة كدة قبل منبدأ في الجزء التالت من حكايات ع الكورنيش

نفكر بعض بايه اللى حصل المرة اللى فاتت

روحية وسمعه خرجوا مع بعض و اتفسحوا ومخلوش في نفسهم حاجة الا وعملوها هزار وهزروا مع بعض , حمص الشام وشربوا صحيح بـ10جـ بس برضو شربوا امال البت روحية تقول على سمعه انه بخيل ولا ايه , وسميت ودقة واكلوا ، حاجة ساقعة وشربوا صاروخ كمان , وقايمة لا تعد ولا تحصي من المشروبات والتسالى اللى خلت اسماعيل مش هيعرف يكمل الشهر الا وهو متقشف .

خلاص فكرنا بعض باللى حصل المرة اللى فاتت

طيب ندخل في الجزء الجديد بقي

يلا هنبدأ

ready

...................

..................

..................

..............

steady

..................

....................

.............

...........

........

go

.....

سكوت هنبدأ

cut

مش هنصور

لو سمحت مش عايزة اشوف حد في البلاتوه خالص كله بره بره متعطلوش افكارى دى لسه جاية طازة من شبرا

كلاكيت هنصور الجزء التالت من حكايات ع الكورنيش

ريدي ........ ستيدي ....... جوووووووو

روحية بعد ما جرس المروح عندها جه مابين قوسين يعنى ميعاد المحاضرات خلص كانت عايزة تروح عشان محدش يشك في امرها واعية البت روحية دى

روونى : سلام بقي يا إسماعيل انا اتاخرت اوى ولاوم امشي كفاية كدة

سمعه : يااااااااااااااه بسرعة كدة دى الاوقات الحلوة صحيح بتعدى بسرعة

روونى : بجد يا سمعه كنت مبصوت وانت معايا

سمعه : على فكرة انتى بقيتى تقولى كلام كتير يزعلنى

روونى وهى مزبهلة بالذال : ازعلك انا زعلتك طب ازاى

سمعه : ايوة هو انتى بتسالينى مبصوت ولالاء وانا معاكى طبيعي اكون مبصوت طبعا هو في حاجة احسن من كدة تخلينىابقي مبصوت

روونى : .........................

روحية طبعا اتكسفت وبتقول لنفسها ايه ده معقول اسماعيل بيحبنى اوى كدة ، ياااااااااااااااااااه انا مكنتش متصورة ان حد يحبنى بالصورة دى شكلها يا بت يا روحية هتحلو وتروق معاكى ، وتعودى وتحكى لاصحابك ان سمعه متيم بيكي ومبينمش الليل الا لما يسمع صوتك وتفضلي تغيزى فيهم بدل ما كانت كل واحدة عمالة تغيز فيكى

سمعه : سكتة ليه حبيبتى

روونى : ابدا يا حبيبي بسمعك - مش يالابقي عشان نروح

اسماعيل يوصل روحية للميكروباص ما هى عندها تعليمات واضحة وصريحة بعدم ركوب التاكسي

وسمعه يروح يعود على القهوة شوية

وروحية تروح البيت

طبعا روحية اول ما دخلت اكلت ماهى اصلها فرحانة مع انها اتسليت بترمس ودرة مفجوعة روحية دى

سمعه يدخل على اصحابه في القهوة

سمعه : ازيكم يا عيال يا مقاطيع

العيل المقطوع صاحبه : ازيك يا عم

سمعه : اطلبلي يلا واحد شيشة وكوباية شاي متينة عشان معدتى وجعانى من اكل الدرة والترمس

العيل المقطوع صاحبه : ترمس ودرة يبقي اكيد فيها روحية

سمعه : طبعا هو احنا بنهزر

سمعه وهو اعد متأنتخ على القهوة يشوف اخته وهى مروحة يقوم من وسط اعدته مع شلة المقاطيع اصحابه عشان يروح ع البيت معاها

على فكرة سمعه بيدوب في دباديب اخته دعاء والى بيقوله يا دودو بس ساعات هى بتحس انه حبه وخوفه عليها مبالغ فيه شوية

اخت سمعه اول ما تشوفه جاى عليها عشان يروح معاها تمسك المنديل بسرعة عشان تمسح الميك اب اللى هى حطاه بدل ما يعود يزعقلها في الشارع ويعمل هليله

سمعه : ازيك يا دودو

دودو: ازيك انت

سمعه : ايه اللى اخرك يا دودو اوى كدة انتى مش محاصراتك بتخلص بدرى عن كدة

دودو : على بال ما اشتريت ورق وحاجات كنت عايزاها

سمعه : ماشي يا حبيبتى انا اول ماشوفتك قولت اروح معاكى بدل ما عيل بايز يعاكس دودو حبيبتى القمر دى

دودو وهى بتضحك : يا عم مش اوى كدة انت مفكر نفسك راجل اوى

ويضحكو مع بعض واخر انسجام ودودو تطلب منه انه يشتريلها لب وسودانى عشان لما يسهروا بليل لكن سمعه قالها مانا مش هاكله معاكى انا معدتى هطق من كتر الاكل وكمان معييش فلوش لو عايزة هاتى على حسابك

كفاية بقي كدة

نكمل المرة الجاية ونشوف ايه اللى هتعمله روحية لما تروح البيت وابوها يسالها على التاخير وكمان نشوف دودو يا ترى هى كانت بتكذب عليه لما قلتله انها كانت مع اصحابها ولا كانت فين ؟؟؟؟

نشوف المرة الجاية بقي ؟

اخويا هايس وانا لايصة

هو السبب ايه واسمه ايه

لذة الاختلاس

يمكن تكون كدة

مع ان روحية لو فكرت شوية هتلاقي اختها اللى مخطوبة بتتكلم بحرية مع خطيبها ومش بتكون خايفة ولا حتى عمرها كلمته وهى تحت البطانية ابدا بتكلمه ادام باباها وساعات كمان باباها بياخد السماعة منها عشان يسلم عليه

انا مش بتناقش دلوقتى في ان كلام واحدة لخطيبها كتير او قليل غلط ولالاء ولا حرام ولا حلال بس احنا بس بنتناقش في روحية واسماعيل

صح ...ده ممكن يكون تفسير ممتاز للحكاية دى

ممكن كمان متكونش بس لذة الاختلاس ولكن عشان كل اصحاب سمعه مانتمين على رأى احمد مكى في فيلم مرجان : كل الجامعة هنا مأنتمين فبقي الطبيعي ان احمد مكى يشوف ان ده العادى وعايز مرجان كمان يشوف ان ده عادى

يعنى باختصار لما اسماعيل شاف كل اصحابه كدة خد الظاهرة دى انها عادى جدا كل الناس بتعملها واشمعنه انا يعنى ومقلش : لا انا معملش كدة في بنات الناس عشان محدش يعمل كدة مع اختى

لكن

اسماعيل كان بيشوف اصحابه وهما بيتباهوا بعدد البنات اللى عرفوهم والكلام ده مش على اسماعيل بس ده كمان روحية صحبتها الانتيخ بتتباهى ادامها بأن ممدوح ابن الجيران كان بيحبها وخرجت مع 16 مرة وان عزت زميلهم في الجامعة بيديلها كل يوم 150 ميسد

يعنى الموضوع بقي عاااااتى جدا

بس الحقيقة إنه مش تفسير شامل

امال ايه التفسير الشامل

لأن فيه ناس عارفة إن بناتهم ماشيين مع ولاد وصبيانهم ماشيين مع بنات وموافقين ومبسوطين كمان

كويسة اوى على فكرة النقطة دى بنشوفها كتير وكتير جدا كمان ولما تيجي تسأل حد من الـ2 وتقوله هو الاهل عارفين في البيت يقولك ايوة طبعا انا مبخبيش حاجة على اهلى (( وطبعا ده بيبقي جهار بالمعصية ))

او نلاقيه بيقول طبعا اصل انا اهلى متفاهمين جدا وسبور ولارج كمان

((استفسار صغير منى يعنى (( هو يعنى ايه لارج مقاس كبير مثلا زى الاكس لارج كدة ))

طب ايه السبب ان الام تكون عارفة ان بنتها بتحب زميلها في الجامعة

يمكن عشان عايزاها تتجوز بسرعة

ويمكن كمان عشان شايفة ان الموضوع عاتى

تفتكروا في اسباب تانية ممكن تخلى الاهل يرضوا ان ابنهم يعرف بنت خارج اطار الخطوبة والجواز

وانا مش بقول هنا ان الاهل يرضوا ان بنتهم تعرف واحد خارج اطار الخطوبة والجواز لان فيه اسر بترضي لابنها بس انه يصاحب بنات بس مترضاش لاخته انها تعمل كدة بس اكيد داين تدان

يبقى التفسير ممكن يكون إيه

كسر الملل مثلا

ممكن برضو يكون كدة

عااااااااتى جدن

الحكاية دى بنشوفهاو بتتكرر كل يوم على الكورنيش

ماهو عشان كدة بنتكلم في الموضوع بنشوف كل يوم بنات وولاد ع الكورنيش عايشين حياتهم عادى ولا كأن حد شايفهم واحنا كمان عنينااخدت على ان ده جزء من الكورنيش زى كدة بتاع الترمس اللى عنينا اخدت اننا نشوفه في الكورنيش مش بنستغرب لما بنلاقيه لكن بنستغرب جدا لما منلاقيهوش موجود نفس الكلام لسمعه وروحية عادى جدا اننا نشوفهم لكن مش من الطبيعي ابدا انك تلاقي كورنيش من غير سمعه وروحية

طب ازاى هو عنينا بقيت تشوف الحاجات الغلط طبيعية

انا واثق انه غلط بس !!!!!!!!!!

..طبعا أنا واثق ومتأكد إن الناس كلها هتقول غلط الى عمله سمعه وروحية ده

مش مهم نقول غلط المهم نقول غلط ليه

بس الفكرة...الغلط ده بيبتدى منين

وده اللى احنا عايزين نناقشه مع بعض

ممكن نفكر مثلا إن الظروف الاقتصادية المزفتة بتخلى الشباب ميتجوزش ويعمل كدة

بس بصراحة ...أنا أعرف ناس مستريحين جدا ومصاحبين برده

ليه..مش عارف

يمكن يكون الولد بيتسلي مش النية الاساسية ليه انهم يتجوزوا وممكن يكون هما الاتنين بيتسلوا وده اللى هنعرفه في المشاهد اللى جاية ايه هى حقيقة مشاعر الاتنين

الظاهر كده إن الكذب فى زمنا بقى متعة

لا تعليق

يعنى ببقى مبسوط قوى وأنا بكذب وباخد حاجة مش من حقى

ده بيفكرنى بمثال يمكن عجيب شوية لما بكون في البيت وعايزة اكل رمان بعمل ايه بجيب الرمان واعمله وبعد ما اعمله اخبيه عشان محدش ياكل الرمان بتاعى الى انا عملاه وبفضل كل مافتح التلاجة اشرب شوية عشان محدش يقولى هاتى شوية رمان من بتوعك وافضل اعمل كدة بس بصراحة مش بستمتع بطعمه زى ما اكون اعدة مع اختى وبكله ادامها نفس المثال على سمعه وروحية قصدى روونى طبعا ده مجرد مثال عشان ملقيش حد بيعلق عليه انتوا احراااااااااااااار بقي

أو الواحد بيحس بالثقة فى نفسه لما بيلاقى البنت دايبة فى دباديبه

ايوة فعلا الولد لما بيلاقي البنت بتحبه اوى بيستعبط فيها يمكن يكون غلط بس ده رايي

وبرضو مش عارف

انا جدددددددددددع

كنت اعرف زمان ان الحق ليه لسان بيتكلم عنه

وان الحق صوته عالى

صح يعنى مثلا لو حد ليه فلوس عند واحد والتانى بينكر هتلاقي اللى ليه فلوس ده صوته عالى

طب ليه

عشان هو اللى معاه الحق

ده اللى انا كنت بسمعه على طول

طيب بسرعة كدة نفتكر اللى كان حصل المرة الى فاتت مع سمعه وروحية

يلا نفتكر

سمعة وروحية لما كانوا رايحين الكورنيش كان في شلة ولاد بيتكلموا عليهم ونازلين فيهم تريقة

سمعة ساعتها فكر ان هو يزعقلهم او حتى يضربهم بس فكر براحة وبشويش بشويش لو زعقت يبقي هضرب وهيبقي شكلى ووووووووووحش

احسن لى اعمل نفسي ولا كأنى من هنا

تمام كدة

مش هو ده الى حصل

طيب نفكر كدة مع بعض لو كان سمعه معاه حق في اللى بيعمله مش كان زعق

طب ليه

عشان انا قولت في الاول ان الحق صوته عالى

يعنى لو كان عارف ان هو بيعمل حاجة مش غلط مكنش زمانه اتكسف لما الولاد اتريقوا عليه ومكنش كمان قبل ان حد يتكلم كدة عن روونى حبيبته اللى بيحبها ويخاف عليها

يعنى بكل بسااااااااااااااااااااطة

كان هيقول

:

انا جدددددددددددددددددددددع

هى روحية هتتقفش امتى

كنا وصلنا اخر مرة ان روحية وسمعه خرجوا مع بعض ع الكورنيش

طيب نفكر بعض باللى حصل المرة اللى فاتت

• سمعه زن على دماغ روحية لحد ما خلاها تزوغ من الجامعة ويخرجوا شوية مع بعض.
• سمعه تقمص شخصية حنفي اللى كان بيعدى فوزية الشارع , وفوزية قصدى روحية بقي سابت حنفي يمسك ايديها عشان يمكن تطرى في ايديه.
• لما كانوا ماشيين في الشارع كان في شلة ولاد بيتريقوا عليهم وسمعه عمل نفسه كأنه مش من هنا.
• سمعه كان خايف على روحية اوى من عيون الناس
• واعدوا ع الكورنيش بس مركبوش الحنطور للاسف من المؤكد طبعا ان الحنطور هيزعل لان سمعه مخلاش امينة قصدى روحية تتحنطر

طيب فكرنا بعض باللى فات طيب نعلق بقي على كل اللى كانوا بيعملوه مع بعض

اوكى نفكر بعض

يلا هنبدأ اهو

وان

......

.....

....

....

تو

....

....

....

....

ثري

...

....

.....

...

كنت قولت ان روحية زوغت من الجامعة عشان تشوف سمعه وطبعا كانت قايلة لاهلها في البيت انها في الجامعة ده شئ طبيعي يعنى مش محتاج نباهة احم احم حد جاب سيرة نباهة هنا

طيب كان هيجري ايه لو حد من اخوات روحية البنات شافها يمكن كانوا يقولوا لوالدهم ويمكن لاء ويتستروا على روحية يتستروا ايه الكلام الكبير ده انا حاسة انى بقيت عاملة زى فاتن حمامة لما كانت بتقول ان روحية خدها الوبا يا خال - ايه يتستروا عليها دى صحيح يبقي نقول مش هيقولوا لوالدهم على حاجة ومش بعيد كمان المرة الجاية تبقي خارجة مع اخواتها ادام باباها وتخرج مع سمعة

طيب ده لو كانوا اخواتها البنات هما اللى شافوها طب لو اخوها حكشة ولا باباها هما الى شافوها نتخيل بقي ايه اللى هيحصل

عادى يعنى ولا هيحصل اى حاجة روحية هتتجاب من شعرها متجرجرة لحد البيت وكمان سمعه هياخد كام كلمة حلوين انت مين يا حيوان انت بتعمل ايه مع بنتى او مع اختى حسب مين اللى شافها يعنى - ده ان مكنش سمعه اصلا جري وسابها اول ماشاف اخوها ولا ابوها

طيب وبعدين روحية تروح على بيتهم تتمنع شوية من الجامعة والمصروف وهتتحبس شوية في اوضتها يعنى

طبعا ده مش كل اللى هيحصل بالظبط احنا بس بنتخيل مع بعض ايه اللى هيحصل يمكن يكون زيادة شوية عن المتوقع ويمكن كمان يكون كمان مبالغ فيه

بس في احسن الاحوال المتحولة ان روحية هتخسر ثقة ابوها وامها فيها يعنى بعد ما كانت بتخرج من غير حساب ولا حد بيسألها رايحة فين وجاية منين هتبقي مشكوك فيها

وطبعا ده كل افتراضي انها هتتقفش اصلا لانها ممكن تقول انه اخو صاحبتها ولا زميلها في الجامعة اللى لسه مقبلاه دلوقتى حالا قبل ما ابوها يجي ب2 فيمتو ثانية

بس هو احنا مفترضين حاجات سيئة اوى كدة ليه

اصلا روحية ممكن ميكونش عندها اخوات ولاد وكمان والدها بيكون في الشغل لما هى بتخرج من سمعه يعنى لا يمكن حد يشوفها اصلا مع سمعه

طب كويس يعنى البنت مش هتتجرجر لحد البيت خير الحمدلله

زغررررررررررررتى يا روحية بقي مطلعش عندك اخوات ولاد

وكمان زغررررررتة حلوة من اسماعيل اللى كان ممكن يضرب عدد2شلوط من اخوها حكشة

طيب ده بقي هيتتطلب انها تكذب كل شوية على امها وعلى ابوها انا رايحةالجامعة ((بين قوسين انا رايحة مع اسماعيل ))

ولما الموبايل بتاعها يرن باسم سوسو يبقي سمعه بيتصل وبيستعجلها عشان تنزل ))

وترد ادام باباها ايوة يا سوسو يا حبيبتى انا نازلة اهو

وباباها يقولها : يلا يارورو سوسو صاحبتك مستنياكى انزلى بسرعة

وهكذا

....

....

وهكذا

...

...

وهكذا

ماهو روحية في الامان معندهاش اخوات ولاد عشان يشوفها مع سمعه وباباها كمان بيبقي في شغله في الوقت ده يعنى هى مطمنة انها مش هتتقفش خالص

على فكرة مش كل روحية معندهاش اخوات ولاد لان ممكن يكون عندها اخ اسمه حكشة العصبي

وبرضو مش كل روحية باباها بيكون في شغله في الوقت اللى هى بتقابل فيه سمعه لان ممكن ابوها يعدى بالصدفة من المكان اللى هى فيه او حتى ياخد اذن ويروح بدرى عشان زهقان .

طيب انا كمان لازم اقوم دلوقتى نكمل بقي المرة الجاية

وتقمصنا شخصية عنايات وجمالات في بير السلم

نيرة: الواحد نفسه يخلص ويشتغل

افكار: مين ده

افكار: صلي على النبي

افكار: بس ماحنا خلاص كام شهر وهنتخرج مستعجلة على ايه ياختى

نيرة: عندك حق يا ام حنفي

افكار: ايوة ياختى

نيرة: الجوامع هتبقي زحمه

نيرة: بعد كدا

افكار: ايوة انتى عرفتى منين شكلك تنبأتى بالمستقبل

نيرة: الواحد لازم يلحق جامع

افكار: ايوة او عريس

افكار: عقبال عندكم

نيرة: لا العريس مش مضمون

نيرة: الجوامع كل يوم يتفتح

افكار: ده لحد العشا اخرها

افكار: فانتى يا بنتى اضمنى الاتنين

افكار: وهو ضل راجل ولا ضل حيطة

نيرة: وحياتك الحيطه بقت احلي

نيرة: دا حتي المسلح غلي

افكار: يا راجل انتى بتهزرى بقي

نيرة: الرجاله بقت خيخه

افكار: ده حديد التسليح رخص 1500جـ

افكار: مش كلهم يعنى مثلا لو اتجوزتى واحد زى ارنولد شوزنجر عضلات كدة تقدرى

تدخلى فياى حتة وانتى مطمنة ان وراكى راجل

نيرة: طب كويس عشان الحق ابنيلي حيطه قبل ما اتخرج

افكار: ولا ظابط في المرور ساعتها تكسري اى لجنة براحتك واللى يكلمك قوليله انا مدام

الظابط فلان الفلانى بكل ثقة

نيرة: او جزار

نيرة: اضمن اكل لحمه

نيرة: كل يوم

افكار: ولا صاحب فرن عيش

افكار: مش هتوقفي في افران

افكار: ولا مدرس عشان يوفر على عيالك فلوس الدروس الخصوصية لعيالك

نيرة: ولا دكتور

نيرة: نتعالج ببلاش

نيرة: اقولك نتجوز شيخ منصر

نيرة: 10 في 1

افكار: ياريت

افكار: طب سيبك من ده كله احنا لو اتجوزنا حرامى هيبقي معانا فلوس كتير

افكار: فلوس نتعالج وندى ولادنا دروس خصوصية ونكسر اللجنة وندفع الغرامة

افكار: ونجيب عيش فينو

افكار: وناكل لحمة

افكار: الله يكرمك يا نيرة ويخليكي

افكار: ملقيش عندك عريس حرامى

نيرة: كان في حرامي من كام يوم

نيرة: بس للاسف خد حته علقه

افكار: يا خسارة لاء

نيرة: مخدهاش حمار

افكار: انا عايزة واحد محترف

افكار: من الى بيلبسوا بدلة ويمسكوا شنطة ويلبسوا نظارة شمس

افكار: ويدخل على اى بنك ياخد القرض اللى هو عايزه

افكار: بقولك ايه يا بت يا نيرة انا هنشر اللى احنا بنكتبه ده متزعليش ماشي

نيرة: اوك

نيرة: هتنشريه فين

افكار: المدونة يعنى

نيرة: هههههههههه

نيرة: حكايات عنايات وجمالات

افكار: ايوة

نيرة: اوك ماشي

دى كانت وصلة دردشة عملناها انا وزميلتى تقمصنا فيها شخصية جمالات وعنايات في بير السلم الدردشة دى كانت على الياهو

وبما انى قررت في المدونة انى افضفض عن نفسي عشان كدة قولت افضفض عن نفسي بدل ما الاقي نفسي بكلم الحيطة ولا مثلا اكون اعدة في المواصلات واكلم نفسي الناس يقولوا ايه يعنى يبقي لازم افضفض

حمص الشام الى ب 10جنية

نبدأ مع بعض المشهد التانى

روحية تدخل البيت وهى مستنية ان ابوها يزعقلها

روحية : سلام عليكم

ابوها : وعليكم السلام ورحمة الله وبركاته

روحية بتقول لنفسها : هو مش هيزعقلي ولا ايه على التأخير

يقاطع تفكيرها صوت ابوها وهو بيقول : انتى اتغديتى في الجامعة ولا هتتغدي معانا

تتكلم مع نفسها تانى : ايه ده هما افتكرونى في الجامعة وتقول في صوت عالى : الحمدلله

بابا روحية : روحية في حاجة يا بنتى انتى بتكلمى نفسك ولا حاجة

روحية : لا يا بابا ابدا انا بقي النهاردة جعانة ولو ماما مجبتليش الاكل انا هاكل اخواتى

الاسرة كلها تبتسم وتضحك

روحية عمالة تاكل ولا كأنها شافت الاكل قبل كدة وفي خمس دقايق خلصت اكلها بسرعة ودخلت الاوضة بتاعتها وقفلت عليها
واعدت تفكر في كل اللى حصل وكل ما تفكر في اللى قاله سمعه تموت على روحه وعلى حسب مصطلح روحية تهنج من نفسه وتقول في عقل بالها بيقول كلام يدوخ ياماى


في نفس ذات الوقت حلوة في نفس ذات الوقت دى

سمعه يدخل البيت ياكل ويقفل على نفسه الاوضه بتاعته ويفضل يفكر

سمعه : ياااااااااااااااااااااااااااااااااه ده كان يوم جميل بشكل ايه ده يا واد يا سمعه انت بتضحك على نفسك ولا ايه قصدك كانوا كام ساعة حلوين
وايه يعنى ساعة مع روونى بالعمر كله بس انا المرة الجاية هقولها متسكتش كدة انا هخليها تتكلم وكمان تبطل الكسوف ده ياااااااااااااه ده انا جعان اوى
وينادى على امه انا جعاااااااااااااااااااااااااااااااااااااااااااااااااااان بصوت خلاها تحس انه هياكلها لو محضرتش الاكل

وبرضو اسماعيل اعد ياكل كمية اكل مكلهاش قبل كدة معزور بقي اصله فرحان اوووى

روحية اعدة مع نفسها بليل وبتسمع اغنية بعترف لعمرو دياب
واذ فجأة بتتمنى ان سمعه حبيبها يكون معاها

طب وهى هتفضل تتمنى كدة كتير في ثوانى خليت سمعه يبقي معاها في الاوضة
جابت المخدة بتاعتها واعدت ترقص هى والمخدة قصدى هى "وسمعه" على موسيقي بعترف

تمسك التليفون عشان تكلم اسماعيل

تليفون اسماعيل : تررن ترررن تررررن

اسماعيل يمسك سماعة التليفون : الو يا حبيتى
روحية : ازيك
اسماعيل : الحمدلله يا حبيبتى
روحية : انت اتغديت ولا لسه
اسماعيل : ايوة وانتى
روحية : الحمدلله اكلت يا حبيبي
سمعة : الله كلمة حبيبي طلعة منك حلوة اوى
روحية :.........................

روحية طبعا اتكسفت وبتقول لنفسها : والله يابت ياروحية بقيتى تتكسفي زى البنات

سمعة : روحية روحية
روحية : نعم
سمعة : انتى في حد دخل عليكي ولا ايه
روحية : لا ابدا
سمعة :امال في ايه
روحية : مفيش اصل كنت بفكر في كلامك
سمعه : انا عايزك تعرفي انى بحبك اوى اوى اوى اوى وهيجرالى حاجة لو مشوفتكيش بكرة بعد المحاضرات بتاعتك
روحية : بس بس بس
سمعه : روحية عشان خاطرى انا نفسي اشوفك اوى
روحية : ماشي هشوفك بكرة
سمعه : بجد يا روونى خلاص انا هجيلك من اول اليوم ومش مهم تحضري بكرة هبقي

اذاكرلك انا اللى عدى منك

روحية : ماشي اشوفك الساعة كام
سمعة : اول ما تخرجى من البيت هستناكى عند محطة الاتوبي ماشي
روونى : خلاص ماشي


طبعا سمعة وروحية منموش خالص عاملين يفكروا في الكلام اللى قالوه لبعض غير ان طبعا روحية بتفكر هتلبس ايه بكرة
وكمان اسماعيل فكر هيلبس ايه : ماهو مش معقول يروح لها بنفس الطقم تانى


روحية مصدقت ان الصبح طلع عليها والساعة بقيت 7 وهوب لقيناها بدأت تلبس ما هم مساكين البنات دول بياخدوا تلات او اربع ساعات عشان يلبسوا ويجهزوا وعلى بال ما نزلت الساعة كانت 10


اسماعيل صحي بسرعة من نومه وراح يستنى روحية في الميعاد الى اتفقوا عليه الساعة 10 ويا عينى فضل يستنى كتير اوى لحد ما روحية جت الساعة 10.45


روحية : معلشي اتاخرت عليك

سمعه : ولا يهمك يا حبيبتى بس انا قلقت عليكي اوى

سمعه بيقول في نفسه هو انا كل مرة هفضل استناكى كدة ما تنجزى بقي وتخلصي في ليلتك دى مش كفاية الجزمة لسة جديدة وبتزيق كمان يعنى هستحملك انتى والجزمة يلا مش مشكلة انا استحملها هى بس الجزمة لا يمكن ابدا

واسماعيل وروحية ماشيين في الشارع وبيعدوا الطريق اسماعيل تقمص دور حنفي اللى بيعدى فوزية الشارع في مسرحية سك على بناتك

وال ايه بيعديها بس المرة دى روحية متقمصتش شخصية فوزية وسبته يعديها

سمعه يمد ايده عشان يمسك ايد فوزية ويعديها ( قصدي روحية )
والاتنين استعبطوا فيها وكملوا مع بعض الطريق للجامعة وهما ايديهم في ايدين بعض

كان في بقي شلة ولاد ماشية وراهم عاملين يتريقوا على سمعة ورونى وهما ماسكين ايدين بعض

واحد من الشلة يقول هما قبضين على بعض ولا ايه مش راضيين يسيبوا ايدين بعض ليه
واحد تانى برضو من الشلة : اصلهم يا توتو بيحبوا بعض
واحد تالت : بس بقي يا رخم انت وهو سيبهم يحبوا في بعض يا ناس يا غيرانة

طبعا الواد سمعه سامعهم ما هو برضو كان صوتهم عالى ويقول لنفسه طب اعمل ايه دلوقتى يعنى اقوم اضربهم لالالالالالالا يا واد يا سمعه لحس تضرب ولا حاجة ويبقي شكلك وحش اوى
بص انت احسن حاجة تعمل نفسك مش واخد بالك ولا كأنك من هنا اصلا


وروحية وسمعه قضوا اليوم مع بعض طبعا كانوا مشبكين ايديهم في ايدين بعض
ومفيش مانع برضو انهم كانوا بيهزروا مع بعض بالايد


لما روحية قالت نكتة عجبت سمعه اوى
ساعتها سمعه قالها ينيلك يا بت يا روحية ده انتى دمك خفيف مووووووووت
وهزر معاها ولا كأنه بيهزر مع واحد صاحبه

وهى كمان هزرت معاه ولا كأنها بتهزر مع واحدة صاحبتها


وجه وقت الاكل وعزمها على حمص الشام بس مش من ابو 3جنية الموضوع هنا مختلف دول حبيبة يعنى الكوباية ب 10جـ
وبرضو بتاع الورد اللى ع الكورنيش رخم عليهم وخلى سمعه يشترى ورد لروحية والوردة برضو كانت مبلغ وقدره ده غير بتاع الترمس والفيشار والدرة والسميت




انا كدة خلصت الكلام في الحلقة دي

بس المرة الجاية هعلق على اللى عملوه مع بعض

وعلى كمان اهلهم اللى في البيت

وبرضو هتكلم عن اخت سمعه الى برضو كانت خارجة على الكورنيش ومعاها زميلها

المشهد الاول :

السلام عليكم ورحمة الله وبركاته

احنا وصلنا لحد فين اخر مرة

وصلنا لحد فين وصلنا لحد فين

اه وصلنا لحد ما كنت بقول اننا هنتخيل مع بعض كل اللى بيقوله الاتنين اللى اعدين على الكورنيش اياهم ؟؟؟؟

نبتدي مع بعض
اربطوا الاحزمة

توكلنا على الله

وان




تو



ثري


سكوووووووووووووت هنصوووووووووووووووور
كلاكيت اول مرة

اسماعيل جاى على المكان اللى اتفقوا عليه هو وروحية
وكمان روحية جاية في نفس المكان اللى اتفقوا عليه

طب ما ده طبيعي!!!!!!!!

اسماعيل قبل ما يروح لبس كل اللى على الحبل واستلف الشراب من اخوه وعدى على صحبه الانتيخ يرشله شوية برفان من بتاعه ماهو برضو ميضمنش ريحة العرق

روحية برضو متفرقش كتير عن اسماعيل بس هى بقي خدت كالونيا من اللى بتحطها اختها لما بتشوف خطيبها

خلاص كدة الاتنين مستعدين ومتذوقين على الاخر

اسماعيل نزل من البيت وبيشاور نفسه اركب تاكسي عشان الهدوم متتكسرش وتتبهدل ولا اركب اتوبيس

لا انا هركب اتوبيس عشان يبقي معايا فلوس اصرف منها وروحى معايا

روحية بقي جاية في تاكسي رغم تحذيرات اسماعيل ليها بانها متركبش تاكسي لوحدها


روحية شافت اسماعيل جاى من بعيد
وكمان اسماعيل شافها جاية من بعيد

اسماعيل يمد ايده عشان يسلم على روحية

روحية برضو تمد ايدها عشان تسلم عليه بس وهى مكسوفة وبتقول يا ارض انشقي وابلعينى

روحية عيناها هتطلع على اللى مخبيه وراه دهره

وتقول لنفسها ميكونش مخبي سيجارة ورا دهره ومفكرنى ابوه هقفشه

فظيعة البت روحية دى دمها خفيف موووووت وتحب تتريق على خلق الله

يعود اسماعيل وجنبه روحيه وبعدها بشوية يقولها:

اتفضلي يا حبيتى احلى وردة عشانك
روحية : عشانى انا
سمعه: ايوة يا حبيتى عشانك انتى مع انى مش عارف ازاى ادى وردة زى دى لاحلى وردة في الكون

روحية :-------------------------------- هتموت على نفسها من الكسوف خلاص مش قادرة.

سمعة : انتى ساكتة ليه

روحية : ابدا مش ساكتة

سمعة : ادام مش ساكتة يبقي انتى اكيد مكسوفة منى

روحية : .................................... (في سرها طبعا ) كلامك يدوخ يا واد يا سمعه ايوة طبعا مكسوفة ومش بس مكسوفة ده انا مكسوفة جدا كمان)

سمعة : روونى ....... روونى ......رونى

روحية : انت بتنده على مين (وفي نفسها بتقول : هو افتكر واحدة بيحبها قبل كدة ولا ايه )

سمعه : انا بنده عليكي انتى يا حبيبتى

روحية : خلاص وشها جاب الوان الطيف مكسوفة ياجدعان ما هى برضو اول مرة تسمع الكلام ده
وفي نفسها تقول ( حبيبتى يا حلولى يا حلولى )

سمعه : انتى مالك مكسوفة منى كدة ليه

روحية : مفيش اصل انا اول مرة حد يقولى الاسم ده

سمعه: كويس عشان انا عايز ابقي اول حد يندهلك بيه ومش عايز حد غيرى يندهلك بيه
روحية : يا حلولى يا حلولى حبيبتى وكمان روونى دى هتحلو يا ولاد اهه

الواد سمعه اعد مسبلها عنيه الاتنين كده اهو وعمال يبحلق فيها

والبيت رونى هى كمان اعد مسبلاله بس من تحت لتحت بتبص على الجزمة ما هو الراجل برضو بيبان من جزمته والقميص والبنطلون عشان تعرف هو انيق ولا لاء
بس برضو البت روحية باين عليها الكسوف اوى

سمعه قاطعا جو التسبيل اللى هما عاملينه ده : هو انتى اتاخرتى ولا حاجة
روونى: لا ابدا
سمعة : بجد
روونى : ليه هى الساعة بقيت كام ؟ يا خبر ابيض الساعة 6.30 ده انا اتاخرت اوى ده انا قايلة لابويا انى مش هتاخر وهجيب كشكول من واحدة صاحبتى وراجعة على طول – سلام انا ماشية وهى بتجرى وسيباه وراها

سمعة وهو بيجرى وراها

استنى بس هوصلك انا اسف ياحبيبتى انا اخرتك
وطبعا البت روحية : نطت في اول تاكسي

سمعه يلحقها وهى بتنط في التاكسي ويقولها تليفونات بقي ماشي


ده كان اول مشهد ما بين روحية واسماعيل

يوووووووووووووووه
قصدى روونى واسماعيل

بعد كدة بقي نشوف روونى وسمعه هيفكروا في ايه لما كل واحد فيهم يوصل البيت ؟

ياترى سمعه هيفكر في ايه ؟؟

ويا ترى كمان روونى هتقول ايه لباباها ؟؟

مفروسة

بسم الله الرحمن الرحيم

مفروسة
ايوة انا بجد مفروسة

طب من ايه

اقولك من ايه

ابقي راكبة الميكروباص في امان الله الاقيه الميكروباص اخد طريق الكورنيش طب ليه كدة يا ابن الحلال مانت كنت ماشي كويس

حد يقول و دي فيها ايه

اقوله ما هو لما ياخد طريق الكورنيش هضططر اسفة انى ابص على الكورنيش

حد يقول طيب ماهو منظر جميل برضو المية بيبقي شكلها حلو برضو

اقوله طبعا المية شكلها حلو بس الاحلى الكابلز اللى بيبقوا اعدين على الكورنيش


موسيقي تصويرية
ان ان ان ان ان ان ان ان ان ان ان ان

كابلز طويب
طب هما بس الكابلز دول بس اللى اعدين على الكورنيش


لاء

امال في مين اعد على الكورنيش

في عائلات نفسها تهوى عن نفسها شوية قالت الكورنيش خروجة حلوة بس نصيحتى ليهم ميشتروش حمص الشام من هناك عشان الكوباية بتلاتة جنية يبقوا يجيبوا فيشار وترمس من بيتهم كمان عشان برضو الحاجات دى بقيت غالية اوى


طيب وفي مين تانى على الكورنيش

اقولك في اتنين كابلز برضو بس هتبص على ايديهم الشمال هتلاقي دبلة جميلة

طيب والله كويس اهم يلحقوا يخرجوا مع بعض قبل ما تيجي مشاكل العيال وميعرفوش يخرجوا تانى خالص

طب وفي مين تانى

في برضو اتنين اعدين وفي ايديهم اليمين دبلة

وفي مين تانى اعد على الكورنيش

في اتنين اعدين ولا في ايديهم اليمين حاجة ولا حتى الشمال

اااااااااااااااااااااااااااااااااااااااااااااه

هو انتى بتقولى الموضوع ده من الصبح عشان توصلي للنقطة دى

ايوة

طب وانتى مضايقة ليه ؟؟؟؟

انا مش مضايقة بس نفكر كدة مع بعض هما بيعملوا ايه على الكورنيش دلوقتى ؟؟؟

طيب نفكر ؟؟؟

اقولك انا ؟؟
وكمان هقول بالتفاصيل كاننا بنتفرج على مسلسل عربي 65 حلقة
مرضتش اخليهم 100 عشان الملل

المرة الجاية بقي هقول ايه اللى بيفرسنى من الاتنين دول وبالتفصيل ؟؟؟

مفروسة

اكبر مشكلة في حياتى هتعايش معاها !!!!

ده مش موضوع طبي

ايوة مش موضوع بيتكلم عن تعديل الساعة البيولوجية وان ليلنا بقي نهار ونهارنا بقي ليل لاء

ده موضوع عن جهود الحكومة المصرية في تعديل الساعة البيولوجية للانسان المصري المحترم الى عمر ماحد ابدا اتحكم في لقمة عيشه

هزرنا كتير نتكلم جد بقي


ايه ده كله هزاز هزار كدة


نيجي للجد بقي

فرن العيش اللي جنب بيتنا انا مش عارفة اشترى منه عيش


طب ليه حد يسألنى كدة
..........

طب محدش سالنى اجاوب انا

......

ده مش عشان العيش الى بتبيعه الفرنة دي طعمه وحش ولا حتى بيبقي بايت لما بشتريه لاء لاء طبعا (( ابسلوتلى ))

ولا حتى عشان ان عمو صاحب فرن العيش قليل الذوق مع السادة المستهلكين الى هو انا يعنى برضو مش عشان كدة

........

وبرضو مش عشان هو بيتعمد يوقفنا كتير واحنا بناخد الشنطة الى فيها العيش 8ارغفة بدل 10 مع انها بخمسين قرش

.....ولا حتى عشان بيصمم انى اخد بجنية عيش بس يعنى 8+8=16رغيف برضو

لاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااء

حد يقول خلصينا بقي وقولى

ارد اقوله طيب هقول

عشان انا ساعتى البيولوجية مش مظبوطة

what

- المفروض ان فرن العيش بيدأ من بعد صلاة الفجر في بيع العيش للسادة المستهلكين وبيخلص الساعة 6.30صباحا طبعا
فانا بقي الساعة البيولوجية بتاعتى متلغبطة الفرن طبعا معذور ملوش اى ذنب في الموضوع ده طبعا لان انا اللى مشكلة

حد يقول انتى طيبة ومبتعمليش مشاكل
....
اقوله وبكل تواضع وصراحة نابعة من نفسي

لااااااااااااااااااااااااااااااااااااااااااااء انا اللى عاملة المشكلة في انى مبشتريش عيش من الفرن الصبح


بتلكك بانى مش هينفع اجيب عيش في الوقت ده وفيه ايه يعنى طب ما ناس كتير بتنزل الصبح تجيب ولا هو يعنى عشان هما رجالة ومبيخافوش من الضلمة لا واللى يغيزكم (( هى بالـ ظ ,ز )) انى ال ايه بقول ان الشارع بيبقي مقطوع ومفيهوش حد

بتلكك انا صح

شوفتوا بقي وزيادة في شوية الصراحة اللى عندى واعترافي بانى انا اللى مأثرة انى بقول ان الشارع مفيهوش ولا لمبة منورة عشان انزل بدرى قبل الفجر الحق الطابور بتاع العيش مش بذمتكم بستهبل

انا لذلك قررت انى ابطل استعباط وهعدل الساعة البيولوجية بتاعتى

بس ملحوظة هو كل اللى انا اعرفه عن الساعة البيولوجية ان والدى كان بيذكره لما كان بيقولى نامى بدرى ومتتفرجيش على التليفزيون ونامى عشان الساعة البيولوجية بتاعتك متتلغبطش