احبك اه ----- اخاصمك لا

السلام عليكم ورحمة الله وبركاته

وزى كل مرة قبل ما نبدأ الحدوتة بتاعتنا بنفكر بعض باللى فات

قلنا ان سمعه طلب من روحية انه يشوفها عشان يفكروا مع بعض ازاى ترفض العريس ده واتفقوا انهم يشوفوا بعض على الكورنيش الساعة 2

روحية وقفة مستنية سمعه الساعة 2 زى ما تفقوا

روحية شافت سمعه وهو جاى من بعيد

روحية وهى عنيها بطق شرار - ايه يا سمعه ايه التأخير ده

سمعه - تأخير ايه بس يا حبيبتى لو بصيتى في ايدك هتلاقي الساعة بالظبط 2.1 متبقيش حنبلية اوى كدة يا حبيبتى امال هتعملى ايه بقي لما نتجوز واتاخر عليكي شوية

روحية - بينى وبينكم كانت مقلقة شوية من سمعه بأن هو ممكن يكون بيتسلي زيه زي اى شاب في سنه يقول احب اه اتجوز لااااااااااااااااااا

روحية - هى بينلها جواز فين دي

سمعه - ......................................................................................

روحية - سمعه انت ساكت ليه

سمعه - ....................................

روحية - اسماعيل انت نمت

سمعه - نعم يا روونى عايزة تعرفي انا ساكت ليه انا ساكت عشان حاسس بأنى عاجز انى احميكي عاجز عن انى احسسك بالامان عاجز عن انى ازعق واقول لكل الناس رونى حبيبتى انا وبس

روحية - ليه بس يا حبيبى ايه اللى جاب سيرة العجز دلوقتى انت قلبت الموضوع ليه تراجيدي كدة

سمعه -انا خايف عليكي اوى يا روونى

روحية ويظهر ان سمعه ميل دماغها بالكلمتين دول مش بقولكم اصله بيقول كلام يدوخ يا بوى

روحية - مش تخاف بقي يا سمعه احنا ان شاء الله لبعض بس المهم نفكر احنا هنعمل ايه

حاجة ساقعة بيبس - حاجة ساقعة بيبس - كولا متلجة - ميرندا مفرفشة - حاجة ساقعة بيبس - السبرايت الساقع - حاجة ساقعة بيبس

الواد سمعه شافه جاى من بعيد وقال في سره - اللهم احفظنا

حاجة ساقعة بيبس الصوت عمال يقرب اكتر واكتر

مبدهاش بقي سمعه - يااااااااااااااااااااااااااااااااااا ريس اتنين حاجة ساقعة

روحية وسمعه بعد ما اربعو البيبسي

سمعه - عارفة يا روونى انا طول عمرى مكنتش بخاف على حاجة لكن دلوقتى انا بخاف من كل حاجة ممكن تقرب منك او تلمسك بس

روحية - تحت تأثير الكلام الى يدوخ يا بووووووووووى منطقتش بكلمة مكسوفة يا جدعااااااااااااااان

سمعه - بصي ياررونى انتى حاولى تتكلمى مع ماما بس وتقوليلها انك مش عايزة حاجة تشغلك عن المذاكرة

روحية - ماما شايفة ان خطوبتى دلوقتى مش هتأثر على مذكرتى

سمعه - معلشي اهو نعمل اللى علينا والباقي على ربنا

سمعه - يلا نقوم يا حبيبتى عشان متتاخريش اكتر من كدة وحد يقولك كلمة في البيت انا مبحبش حد يزعقلك ابدا

والاتنين يقوموا من المكان اللى هما فيه

الجزء السادس

السلام عليكم ورحمة الله وبركاته



قبل ما نبدأ الجزء الجديد من الحدوته نفكر بعض باللى حصل المرة اللى فاتت



· قلنا المرة اللى فاتت ان دودو خرجت مع ابو خليل ع الكورنيش
· وقلنا كمان ان روحية جالها عريس
· روحية فكرت انها تقول لسمعه عشان يتصرف ما هى مش معقول تتجوز واحد تانى غير سمعه

نبدأ بقي الحدوتة

سمعه : الو ايو يا روونى
روحية : ايوة يا اسماعيل انت مبتردش ليه

سمعه : معلشي اصلي مكنتش سامع التليفون - مالك في ايه

روحية : اهئ اهئ اهئ اهئ اهئ



وحكت روحية لسمعه على كل اللى حصل وهى يا حبة عينى عمالة تعيط وتعيط فاكرين كدة عادل امام لما كان بيقول في مسرحية شاهد مشفش حاجة واعدت اعيط اعيط

وبعد ما خلصت روحية كلامها استنيت ان سمعه يقول اى رد مقالش

طب يقول اى حاجة برضو مقلش

روحية – سمعه انت نمت

سمعه" ليه بتقولى كدة انا معاكى اهو

روحية " معايا طيب

سمعه " اصل انا مش مصدق ان انتى هضيعي منى بسرعة اوى كدة يا حبيبتى

روحية " .......................................

سمعه" معقول الانسانة الوحيدة اللى انا حبيتها تضيع منى كدة فغمضة عين انا لايمكن اسمح لاى حد بأنه ياخدك منى لا يمكن ابدا

روحية " اهئ اهئ اهئ اهئ اهئ اهئ

سمعه " مش تعيطى يا حبيبتى دموعك غالية عليا اوى

روحية " لازم اعيط يا سمعه مانا لو معيطش دلوقتى امال هعيط امتى

سمعه " لا يا روحية خلى عندك امل في ربنا كبير

روحية " ما هو ده اللى فضلي دلوقتى

سمعه " خلاص متخافيش ان شاء الله العريس ده هيطلع مش كويس ولا حاجة

روحية وكأنها خبطت في الحيطة " نعم

سمعه " متخافيش يا حبيبتى احنا هندعى ربنا انا وانتى بأن العريس ده يطلع فيه عيب وان شاء الله انا واثق في روونى حبيبتى انها بتحبنى وهتتمسك بيا لحد النهاية

روحية وبرضو كأنها لسه خبطة في الحيطة " اه اه طبعا يا حبيبى انا بحبك لحد النهاية وهفضل احبك طول عمرى

سمعه " وانا كنت واثق فيكي يا روونى انك هتعملى المستحيل عشان انا وانتى نبقي لبعض


ماما روحية " يا رووووووووووووووووووووووووووحية

روحية " سلام سلام دلوقتى هبقي اكلمك بعدين


روحية " ايوة يا ماما جاية

ماما روحية " يا حبيبتى انتى تروحى دلوقتى الجامعة لان بابا اجل الميعاد مع الناس النهاردة

روحية " الحمدلله ياربي

ماما روحية " ايه ده انتى مش زعلانة ده انا قلت انك هتزعلى

روحية " لا ازاى ازعل ياماما هو مش جاى خالص

ماما روحية " لا يا حبة عين ماما من جوه اصل ابوكى واحد صحبه حصلت عنده حالة وفاة وهيروح عشان يعزى صحبه


روحية " الحمدلله ياربي


روحية دخلت على اوضتها عدل ومسكت التليفون

تليفون سمعه " ترترررن ترررن ترررن ترررن ترررن ترررن ترررن ترررن ترررن ترررن

سمعه " الو

روحية " ايوة يا سمعه يا حبيبي

سمعه " ايوة يا روحى مالك فرحانة اوى كدة ليه

روحية " اصل العريس مش هيجي النهاردة

سمعه " طب كويس يا حبيبتى عشان تجهزى نفسك وتفكرى هتعملى ايه

روحية " مانا بتصل بيك اهو عشان نفكر مع بعض

سمعه " اه اه طبعا هنفكر مع بعض ان انتى هتنزلى الجامعة النهاردة

روحية " ايوة

سمعه " خلاص يبقي اشوفك النهاردة

روحية " ماشي هشوفك الساعة 2

سمعه " اوكى هستناكى في نفس المكان



بس كدة نكمل المرة الجاية

ونشوف المرة الجاية يمكن سمعه يعمل حاجة تفاجئ روحية بأن هو بيحبها ومستعد يعمل اى حاجة عشانها

السلام عليكم ورحمة الله وبركاته

قبل ما نبدأ الجزء الجديد نفكر بعد باللى حصل المرة اللى فاتت

ايه اللى حصل

البت روونى كان عندها اشغال شقة متربة يعنى اتهد حيلها امبارح .

والواد سمعه نزل على القهوة وادى نصايح لابو خليل زى الفل .

دودو راحت تقابل ابو خليل وشربوا حمص الشام من ابو 3جنية وطبعا عارفين ليه بتلاتة جنية .

نبدأ بقي الجزء الجديد

......................

...........

.....

..

.

روحية بعد ما خلصت الشقة وخلتها بربرق على راى منى زكى خدت في وشها على طول ودخلت الاوضة بتاعتها وهاتك يا نووم بس قبل ما تنام اعدت تغنى

اه يا نوم يا نوم يانوم يا نوم يانوم

خلاص نامت

خخخخخخخخخخخخخخخخخخخخخخخخخ

بس بقي نسيب روحية نايمة ونقفل الباب عليهااصلا صوتها مزعج وهى نايمة

الواد سمعه بعد ما خلص اعدته على القهوة راح المكتب اللى بيشتغل فيه ماحنا نسينا نقول ان سمعه بيشتغل في مكتب محاسبة بتاع واحد صاحب ابوه وبياخد مرتب يعنى لا بأس به 360جـ كل جنية بينطح اخوه الجنية

بلاش نتكلم في الماديات بقي

سمعه يروح البيت ويستنى روونى تكلمه بس هو مين روونى بتاكل رز معمر مع الملايكة

الاتنين يصحوا الصبح وكالعادة

روونى تتصل بسمعه عشان يصحي يروح مصلحة الضرايب وده طبعا مع وصلة من الكلام المعسول

ايوة الكلام المعسول اللى بيتلم عليه النحل ده

روحية تخلص كلام مع سمعه وتروح عشان مامتها بتنده عليها

يا روووووووووووووووووووووووحية

روحية : نعم يا ماما

ماما روحية : اه يا رورو يا حبيبتى بقالى ساعة بنده عليكي

روحية : معلشي يا ماما اصلي كنت نايمة

يا كذاااااااااااااااااابة نايمة برضو ما علينا انا قولت مش هدخل في علاقة روحية بامها

ماما روحية : ماشي يا حبيبتى نوم العوافي

روحية : ناولينى الاكل عشان الحق افطر عشان انزل الجامعة النهاردة

ماما روحية : لاء يا حبيبتى بلاش تنزلى الجامعة النهاردة

روحية : ليه ياماما

ماما روحية : اصل فيه ضيوف جايين يشوفوكى النهاردة

روحية : نعم يشوفونى ليه انا يعنى

ماما روحية : اه يا رورو متبقيش غبية بقي جا يين يشوفوكى يعنى جايين عشان يخطبوا بنتى القمر دى

روحية وكأنها وقع على راسها جردل ميه ساقعة متلجة : اتخطب ازاى يعنى

ماما روحية : زى كل البنات يا حبيبتى ولا انتى مفكرة نفسك هتعودى جنبي كدة على طول انا عايزة افرح بيكي

ومامتها تسيبها عشان تحط الاكل عشان اخواتها وباباها يفطروا

روحية : يا نهار ابيض ايه اللى بيحصل ده طب واسماعيل اعمل ايه فيه اخرطه للبط يعنى ولا اعمل فيه ايه لايمكن ابدا انا لازم اقوله عشان يتصرف

روحية خرجت من المطبخ ورايحة اوضتها عشان تكلم اسماعيل

بابا روحية : يا عروسة مش هتيجي عشان تاكلى

روحية تهز راسها دليل على انها مش هتاكل

ماما روحية : سيبها سيبها كل العرايس كدة يا ابو روحية

بابا روحية : ايه ده هو انتى كنتى بتعملى كدة يوم ماجيت عشان اخطبك

ماما روحية : خلاص بقي يا ابو روحية احنا كبرنا وعجزنا

بابا روحية : عمرك ما هتعجزى ابدا يا ام روحية

بس بقي كفاية وصلة الغزل دى انتوا هتحسدوهم ولا ايه

تليفون سمعه يرن : ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن ترررن

روحية : يووووووووووووه يا اسماعيل انت مش بترد ليه بس

روحية بتفكر وبتحاور في نفسها : يااااااااااااااااااااااااه معقول انا اتخطب لواحد غير اسماعيل معقول لا يمكن ابدا

ده انا اموت ده انا يجرالى حاجة

يعنى هو انتى خلاص شوفتى نفسك هتتخطبي بكرة ما هو لسه يمكن يطلع وحش وميعجبنيش

لاء وهو انا هستنى لما يطلع كويس واتجوزه

ياخبر ابيض اتجوزه ايه بس

رد يا سمعه بقي الله يخليك

سمعه : الو ايو يا روونى

روحية : ايوة يا اسماعيل انت مبتردش ليه

سمعه : معلشي اصلي مكنتش سامع التليفون - مالك في ايه

روحية : اهئ اهئ اهئ اهئ اهئ

بس كفاية اوى كدة الجزء ده

تفتكروا اسماعيل هيعمل ايه لما روحية تقوله

تفتكروا هيروح عشان يفاتح ابوه في الموضوع ويقوله جوزنى روحية يا ابه

ولا اسماعيل هيجتهد في الشغل عشان يعرف يتجوز روحية

ولا الكلام هيكون غير كدة خالص !!!!!!!!!!!!!!

الجزء الرابع

اخر حاجة المرة اللى فاتت ان سمعه وصل دودو اخته البيت

وقلنا كمان ان هو كان بيحبها جدا وبيخاف عليها اوى

طيب نبدأ بقي الجزء الجديد

جرس التليفون بتاع سمعه يرن : تررن تررن تررن تررن تررن ترررن

تررن

سمعه يقول : يا فتاح يا عليم يا رزاق يا كريم مين الرخم اللى بيتصل الصبح ده

سمعه يرد وهو ناوى على الى بيتصل على نية سودة : الو

روونى : صباح الخير يا حبيبي

سمعه ينتفض من مكانه : ويقول صباخ الخير والفل والياسمين عليكي يا حبيبتى

روونى : ايه الشعر ده ع الصبح

سمعه : كان نفسي انتى اللى تصحينى عشان اول صوت اسمعه يبقي انتى

روونى : .....................

واعدوا يتكلموا مع بعض عن احلامهم المستقبلية وانهم نفسهم يكونوا مع بعض الى اخره واعدوا يتكلموا ساعة

طبعا بيت ابو روحية اتخرب من الكلام بتاعهم ده يلا ما علينا احنا هنمنعهم يحبوا كمان ولا ايه

سمعه وروحية بيقفلوا مع بعض عشان كل واحد يشوف ايه اللى وراه

روحية بتقفل مع سمعه وتروح عشان تنفض الشقة يعنى وراها اشغال شقة متربة

سمعه يخبط على الباب بتاع دودو : اصحي يا دودو

دودو : اهمد بقي وسيبنى انام

سمعه : يعنى مش هتتفتحى الباب

وسمعه يدخل على اخته وماسك ازازة ميه ويرشها كلها عليها ويفضلوا يهزروا مع بعض لحد ما والدة سمعه تحضر الفطار

ماما سمعه : يلا يا ولاد عشان تاكلوا

سمعه ودودو يجروا على الترابيزة عشان ياكلوا وعلى راي سمعه يملوا التنك

سمعه يفطر طبق الفول المتين اللى بياكله بـ 12 رغيف و6 بصلات و3 ارن فلفل حامى و 2كوباية شاي بلبن . كويس انه طلع مفجوع زى البت روحية

الطيور على اشكالها تقع

سمعه ينزل اخر النهار ويعود على القهوة وكالعادة يدخل القهوة ويمسي على اصحابه

ويقول : ازيكم يا عيال يا مقاطيع

العيل المقطوع الاول : ازيك

العيل المقطوع التانى : ولا سلمات ولا ازيك ادخل في الموضوع على طول

سمعه : موضوع ايه

العيل المقطوع التانى : روح القلب روحية

سمعه : يووووووووووه انت لسه فاكر

العيل المقطوع التانى : ايوة ويلا احكيلنا بقي وبالتفصيل الممل

سمعه : اعد يحكى ويحكى وطبعا حط شوية البهارات بتاعته على الخلطةقصدى على الحكاية

العيل المقطوع التانى يقاطعه في الكلام بطريقة غريبة : ايوة يعنى كل الكلام اللى انت بتقوله ده فين

سمعه : على الكورنيش هيكون فين بس نصيحة اوعى حد يخرج ع الكورنيش تانى عشان البياعين مش هيرحمكوا

العيل المقطوع الاول يغمز للعيل المقطوع التانى بعنيه ويقوله : مش قولتلك البياعين مش هيرحموك يا بنى ابقي استفيد من خبرات الاخرين انت النهاردة تتوجه الى حديقة الحيوانات مع .................. ويسكت مرة واحدة

العيل المقطوع التانى يغمز للعيل المقطوع الاول بأنه كتر في الكلام بس سمعه خد باله

سمعه : ايه في ايه انت وهو مالكم نازلين لبعض غمز من الصبح في ايه انت وهو

الاتنين المقاطيع في صوت واحد : لا ابدا مفيش

سمعه : لا ابدا مفيش طب ازاى بقي في ايه انطق انا شامم ريحة مش حلوة في الموضوع

العيل المقطوع التانى : لا ابدا اصل انا كنت خارج انا و صاحبتى النهاردة

سمعه : ااااااااااااااااااااااه قول كدة بقي والله انا عارف ان الموضوع فيه واحدة صاحبتك طب استشرنى وانا اقلك تروحوا فين - اوعى تسمع كلام الغبي اللى جنبك ده ال تروحوه جنينة الحيوانات ال - خليك فاهم كدة ومركز انت وهى لو روحتو الجنينة ممكن تزعل منك تقوم مدخلك القفص بدل القرد او ممكن تكون اضايقت منك اوى تروح مدخلاك للاسد عشان يسلم عليك يا عم اسالنى انا البنات دول بيبقول عاملين زى الملايكة لكن اول ما بيغضبوا بيبقوا دراكولا

سمعه : كركركرككركركركرككركركركرككركركركرككر

العيل المقطوع الاول : ههههههههههههههههههههههههههههه

العيل المقطوع التانى : نيهع نيهع نيهع نيهع نيهع نيهع نيهع ينيهع ينهيع

تيجي الساعة 4.30 العيل المقطوع التانى يستأذن عشان يروح مشوار مهم

سمعه : يقوله استنى انت هتروح المشوار كدة وهو بيشاور على هدومه

العيل المقطوع التانى : اه اصله مش مهم

سمعه : لا والله هو انت مفكرنى مش عارف انت رايح فين

العيل المقطوع التانى يرد في ارتباك : هاكون رايح فين يعنى

سمعه : طب تعالى عندى في البيت اسلفك الجزمة بتاعتى بدل ما تروح كدة بالكوتشي ده

العيل المقطوع التانى : يقوله لاء مش مهم اصل انا اتاخرت اوى ويمشي ويسيبهم على القهوة

يركب العيل المقطوع التانى تاكسي ويروح بسرعة على المكان اللى اتفقوا عليه ويوصل كمان في ميعاده وكمان يلاقي واحدة وقفة مستنياه

العيل المقطوع التانى : اتاخرت عليكي

الواحدة اللى وقفة مستنياه : مش اوى

العيل المقطوع التانى : معلشي انا اسف بس لو قلتلك ايه اللى اخرنى مش هتصدقينى

الواحدة اللى وقفة مستنياه : مش هصدق مش هصدق ليه

العيل المقطوع التانى : اصل اخوكى اللى كان مأخرنى واعد يرغي معايا على القهوة

الواحدة اللى وقفة مستنياه وهى بتضحك : اسماعيل ولا يهمك اما اروح ابقي اضربهولك

كدة بقي بانت ونغير الاسماء بقي

ابراهيم : يلا بقي معلشي خليها علينا

دودو : اوعى يكون عرف ان انت جاى تقابلنى

ابراهيم : لاء متخافيش

ابو خليل ودودو شربوا حاجة ساقعة وترمس ودرة وسميت - وبرضة حمص الشام بس من ابو 3جـ اصل ابو خليل ده ناصح فاصل مع الراجل بتاع الحمص بس من غير ما دعاء تاخد بالها

انا كدة خلصت الجزء دة

ايه رايكم في اللى عمله ابو خليل مع سمعه وايه رايكم كمان في سمعه اللى ادى الوصفة لصاحبه

نكمل بقي المرة الجاية